Saturday, December 31, 2011

ഈ ഡാം പൊട്ടരുത്. യുവാക്കളേ നിങ്ങൾ പൊട്ടിക്കരുത്..

സർവ്വശക്തന്റെ നാമത്തിൽ...

പൊട്ടാൻ പോകുന്ന “ഡാം”

മുല്ലപ്പെരിയാർ ഡാം പൊട്ടിയാൽ ഉണ്ടായേക്കാവുന്ന ഭവിശ്യത്തുകളെ പറ്റിയാണ് “ബൂലോകത്ത്” ഇപ്പോൾ പ്രധാന ചർച്ച.. ഡാം പൊട്ടിയാൽ കേരളത്തിന്റെ വലിയൊരു ഭാഗം വെള്ളത്തിലാകുമെന്നും 30 ലക്ഷത്തിലധികം പേർ മുങ്ങി മരിക്കുമെന്നും ലക്ഷക്കണക്കിനു കുടുംബങ്ങൾക്ക് അത്താണിയില്ലാതാകുമെന്നും നാം വായിച്ചു. രാഷ്ട്രീയക്കാരും മാധ്യമങ്ങളും അല്പം വൈകിയാണെങ്കിലും ഈ വിഷയത്തിനു വേണ്ടതു പോലെ പ്രാധാന്യം നൽകി.. 

Sunday, December 4, 2011

ഓടിയാൽ ക്ഷീണം മാറുമോ ഉസ്താദേ?

സർവ്വശക്തനായ അല്ലാഹുവിന്റെ നാമത്തിൽ..




ടികിട്ടിയാൽ കുറച്ച് റെസ്റ്റ് എടുക്കണം. നാട്ടുകാർ മുഴുവൻ പൊതിരെ തല്ലിയാൽ ഒരു മാസമെങ്കിലും “ബെഡ് റെസ്റ്റ്” വേണം..എന്നാൽ കേരളത്തിലെ ഒരു മുസ്ലിയാർക്ക് ഇക്കാര്യം ഇനിയും മനസ്സിലായിട്ടില്ല.. കേശത്തിന്റെയും കാശിന്റെയും പേരിൽ നടത്തിയ വൻ തട്ടിപ്പുകൾ പൊതുജനം കയ്യോടെ പിടികൂടി പൊതിരെ തല്ലിയിട്ടും അയാൾ ഓട്ടം തുടരുകയാണ്. ഇപ്പോഴിതാ വീണ്ടും കാസർഗോഡ് മുതൽ തിരുവനന്തപുരം വരെ വീണ്ടും ഓടുകയാണത്രേ..

Saturday, November 19, 2011

ബീമാപ്പള്ളിയിലെ കാടത്തരം കേരളത്തിന്നപമാനം.!

ലോക രക്ഷിതാവായ അല്ലാഹുവിന്റെ നാമത്തിൽ..

അസത്യത്തിനെതിരേയുള്ള പോരാട്ടം എന്നും വേദനകളും യാതനകളും നിറഞ്ഞതു തന്നെയാണ്. അത് ഏത് മേഖലയിലായിരുന്നാലും.. ലോക രക്ഷിതാവിനെ മാത്രം ആരാധിക്കാനുള്ള അവകാശത്തിനു വേണ്ടി 1400 വർഷങ്ങൾക്കു മുൻപ് സത്യസന്ദേശം സ്വീകരിച്ചവർക്ക് പ്രയാസങ്ങളുണ്ടായിരുന്നു.സ്വാതന്ത്ര്യമെന്ന നീതിക്കു വേണ്ടി പോരാടിയപ്പോൾ ഗാന്ധിജിക്കും മറ്റു നേതാക്കന്മാർക്കും ഇന്ത്യയിലും യാതനകൾ അനുഭവിക്കേണ്ടി വന്നു.. സത്യത്തിനു വേണ്ടി, നീതിക്കു വേണ്ടിയുള്ള പോരാട്ടം കല്ലുമുള്ളുകൾ നിറഞ്ഞ പാതയിൽ നഗ്നപാതനായി സഞ്ചരിക്കുന്നത് പോലെ തന്നെയാണ്. അവിടെ അടിച്ചമർത്തലുകളും നീതിനിഷേധവുമുണ്ടാകും.. അപ്പോഴൊക്കെ ആദർശം മുറുകെ പിടിച്ച് സത്യത്തിനു വേണ്ടി പോരാടുന്നവരാണ് യഥാർത്ഥ ധൈര്യശാലികൾ...

Saturday, November 12, 2011

ഒരു മൈസൂർ യാത്രയും കുറേ ബസ്സുകളും..

ദൈവനാമത്തിൽ..

ചീരാമൊളകിനൊക്കെ യാത്രാ വിവരണൊക്കെ എഴുതി ഞെളിയാമെങ്കിൽ എന്തുകൊണ്ട് ഞമ്മക്കായിക്കൂട? ഇബരെയൊക്കെ എഴുത്ത് കണ്ടാ തോന്നും ഞമ്മളൊന്നും എബ്ടേക്കും പോകാറില്ലെന്ന്.. പക്ഷെ ചീരാമുളകിനെ പോലെ ആൽ’പ്സിലേക്കൊന്നും പോകാൻ ഞമ്മളെ കിട്ടൂല.. അതും ഒറ്റക്ക്.. ഫൂ..

കഴിഞ്ഞ പെരുന്നാളു കഴിഞ്ഞായിരുന്നു മൈസൂരിലേക്കുള്ള കുടുംബ സമേതമുള്ള യാത്ര.. കുടുംബ സമേതമെന്ന് വെച്ചാൽ ഒന്നും രണ്ടും മൂന്നും നാലുമല്ല, ഇരുപത്തിയൊന്ന് പേർ..!! (കൃഷ്ണയ്യർ കേൾക്കണ്ട) ഉപ്പാപ്പ, ഉമ്മാമ്മ മുതൽ രണ്ടു വയസ്സ് തികയാത്ത ഹാനി വരെ അക്കൂട്ടത്തിലുണ്ടായിരുന്നു.. ഇത്രേം കുറച്ച് പേരായത് കൊണ്ടു തന്നെ ഒരു ബസ്സ് തന്നെ ഏർപ്പാടാക്കിയിരുന്നു.ശനിയാഴ്ച എട്ടരക്ക് ബസ്സു വരും എന്നായിരുന്നു പറഞ്ഞിരുന്നത്.

Tuesday, November 1, 2011

നാറുന്നു.. ഇങ്ങോട്ട് അടുക്കണ്ട...

 ആറാം ക്ലാസു മുതൽ “ഡെമോക്രസിയും” അതിലെ “പൊളിറ്റികൾ പാർട്ടികളെ” കുറിച്ചുമൊക്കെ പഠിച്ചിരുന്നു. “രാഷ്ട്രത്തെ നിര്മ്മിക്കുന്ന ചാലക ശക്തിയാണ് രാഷ്ട്രീയം“ എന്നൊക്കെ ചൊല്ലിപ്പഠിച്ചിരുന്നു. ഓഫ് ദ പീപ്പിളും ബൈ ദ പീപ്പിളും ഫോർ ദ പീപ്പിളും പഠിച്ച് ഡെമോക്രസിക്കു വേണ്ടി പ്രബന്ധങ്ങളും എഴുതി പുറത്തിറങ്ങുമ്പോൾ ഇന്നു കേരളത്തിൽ കാണുന്ന കാഴ്ച്ചയെന്താണ്..? രാഷ്ട്രീയത്തിന്റെ എ.ബി.സി.ഡി പൊലുമറിയാത്ത എന്നെപ്പോലെയുള്ളവർക്കു പൊലും,,പത്രത്താളുകളിലൂടെ കേരള രാഷ്ട്രീയത്തിന്റെ പോക്ക് എങ്ങോട്ടേക്കാണെന്ന് വ്യക്തമായി മനസ്സിലാക്കാൻ സാധിക്കുന്നു..

Wednesday, October 26, 2011

ഖുർആനിൽ വൈരുദ്ധ്യം തിരയുന്നവരോട്...

സർവ്വ ശക്തനായ അല്ലാഹുവിന്റെ നാമത്തിൽ....

ബൈബിൾ വായനക്കിടെ എനിക്ക് തോന്നിയ ചില സംശയങ്ങളെ കുറിച്ച് ഒരു ബ്ലോഗ് പോസ്റ്റ് എഴുതിയിരുന്നു.. ബൈബിളിലെ വൈരുദ്ധ്യങ്ങളെ കുറിച്ചും മറ്റുമായിരുന്നു ആ ചോദ്യങ്ങൾ.. അതിനു കൃത്യമായ വിശദീകരണം നൽകാൻ സാധിക്കാതിരുന്നപ്പോൾ, “ഖുർആനിലും വൈരുദ്ധ്യങ്ങളുണ്ട്”(?) എന്ന തരത്തിൽ ചില ബ്ലോഗ് പോസ്റ്റുകൾ* കണ്ടു.. എന്നാൽ അവ വൈരുദ്ധ്യങ്ങളല്ലെന്നും, അത് രണ്ടും ഒരേ ആശയമാണെന്നും തെളിവുകൾ ഉദ്ധരിച്ച് കാണിച്ചു കൊടുത്തപ്പോൾ പിന്നെ അവയെ കുറിച്ച് ഒരക്ഷരം മിണ്ടാതെ “സ്വന്തം ബ്ലോഗിൽ നിന്നു തന്നെ മുങ്ങേണ്ട” ഒരവസ്ഥയാണുണ്ടായത്..

Sunday, October 16, 2011

താടിയുള്ള വരനും ദീനില്ലാത്ത മടവൂരിയും.!

“മുട്ടിനു താഴെ പെട്ടെന്നവസാനിക്കുന്ന മിനി സ്കർട്ടും,
ദന്തങ്ങളിൽ സദാ വിഹരിക്കുന്ന അറാക്കിന്റെ കൊള്ളിയും,
ഒരിക്കലും ബാർബറുടെ കരങ്ങൾ തലോടിയിട്ടില്ലാത്ത താടിരോമങ്ങളും
ഇവരെ വ്യത്യസ്തരാക്കുന്നു...”


മുജാഹിദ് പ്രവർത്തകരെ പരിഹസിച്ചു കൊണ്ട് പണ്ട് മൌദൂദികൾ എഴുതിയ വരികളാണു മുകളിൽ വായിച്ചത്.. ഇത് എഴുതുമ്പോൾ മൌദൂദി സാഹിത്യകാരൻ ഒരിക്കലും താൻ മുത്ത് റസൂലിന്റെ മൂന്ന് ചര്യകളെയാണ് ഈ നാലു വരികളിലൂടെ പരിഹസിച്ചത് എന്ന് ഓർത്തിട്ടുണ്ടാവില്ല.. “നെരിയാണിക്കു താഴെ വസ്ത്രമുടുക്കുന്നവൻ നരകത്തിലാണ്“ , “നിങ്ങൾക്ക് ബുദ്ധിമുട്ടാവില്ലായിരുന്നു എങ്കിൽ അഞ്ചു നേരം പല്ലുതേക്കുന്നത് ഞാൻ നിങ്ങൾക്ക് നിർബന്ധമാക്കുമായിരുന്നു“ , “താടി നീട്ടുകയും മീശവെട്ടുകയും ചെയ്യുക“ .. ഇതു മൂന്നും കെ.എൻ.എം സെക്രട്ടറിയുടെ വാക്കുകളല്ല, മറിച്ച് മുഹമ്മദ് നബി(സ) യുടെ വാചകങ്ങളാണ്.. 

ഇത് മൌദൂദി ഹദീഥ് നിഷേധമാണ് എങ്കിൽ വേറെ ചില 'മൂർച്ചയുള്ള' വാചകങ്ങൾ കാണുക :

Saturday, October 8, 2011

ഫാദർ സുലൈമാനും ചില കത്രിക പ്രയോഗങ്ങളും

സർവ്വ ശക്തനായ അല്ലാഹുവിന്റെ നാമത്തിൽ..

 ഴിഞ്ഞ കുറച്ച് ആഴ്ച്ചകളായി മൊബൈലുകളിൽ നിന്ന് മൊബൈലുകളിലേക്ക് പ്രചരിച്ചു കൊണ്ടിരിക്കുന്ന ഒരു 15 മിനുട്ട് ക്ലിപ്പ് കേൾക്കാനിടയായി.. ഫേസ്ബുക്കിലും ഇതേ സാധനം ചിലർ “ആഘോഷിക്കുന്നത്“ കാണുന്നു.. വയനാട്ടിൽ നിന്ന് സുലൈമാൻ മുസലിയാർ എന്ന ‘ദാരിമി’ ബിരുദമുള്ള ഒരാൾ ക്രിസ്തുമതത്തിലേക്ക് മാറിയെന്നും പറഞ്ഞ് അനുഭവം പറയുന്ന ക്ലിപ്പ് ആണിത്. ഖുർ’ആനിലെ ആയത്തുകൾ ഒരു മടിയുമില്ലാതെ ദുർവ്വ്യാഖ്യാനം ചെയ്യുന്ന പ്രസ്തുത പ്രഭാഷണശകലം സാധാരണക്കാരെ തെറ്റിദ്ധരിപ്പിക്കാൻ പോന്നതാണ്. എന്നാൽ പൊട്ടത്തരങ്ങളും ദുർവ്യാഖ്യാനങ്ങളും കുത്തിനിറച്ച ഒരു പതിനഞ്ചു മിനുറ്റ് സംസാരം എന്നേ എനിക്കിത് കേൾക്കുമ്പോൾ തോന്നിയിട്ടുള്ളൂ.. ബൈബിളിലെ വൈരുദ്ധ്യങ്ങളും അബദ്ധങ്ങളും ജനശ്രദ്ധയിൽ പെടുമ്പോൾ അതിൽ നിന്ന് ശ്രദ്ധ തിരിക്കാനും ഈ പ്രഭാഷണം ചിലർ ഉപയോഗപ്പെടുത്തുന്നു..

Friday, September 30, 2011

എന്റെ ബൈബിൾ വായനയും ചില സംശയങ്ങളും

സർവ്വ ശക്തനും കരുണാനിധിയുമായ ദൈവത്തിന്റെ നാമത്തിൽ,,

എന്തെങ്കിലും വായിക്കണം..
തിരഞ്ഞു നടക്കുന്നതിനിടയിലായിരുന്നു ഏറ്റവും താഴെ കണ്ട “പുതിയ നിയമം” എന്റെ ശ്രദ്ധയിൽ പെട്ടത്. കുറച്ചു കാലം മുൻപ് എവിടെ നിന്നോ കിട്ടിയതാണ്. എന്നാൽ പിന്നെ അതു തന്നെയാകാം ഇത്തവണ വായന..
===============================

എന്റെ ബൈബിൾ വായനക്കിടെയും തുടർന്നുണ്ടായ അതുമായി ബന്ധപ്പെട്ട അന്വേഷണങ്ങളിൽ നിന്നും എനിക്കുണ്ടായ ചില സംശയങ്ങളും ചോദ്യങ്ങളും പങ്കുവെക്കാനാണീ പോസ്റ്റ് എഴുതുന്നത്..മുൻ ധാരണയോടെയാണ് ആരെങ്കിലും ഇത് വായിക്കുന്നത് എങ്കിൽ, നിങ്ങൾക്ക് മുകളിൽ കാണുന്ന “ക്ലോസ്” ബട്ടൺ അമർത്തി തിരിച്ച് പോകാവുന്നതാണ്.

Wednesday, September 21, 2011

ഫേസ്ബുക്കും കുറേ വ്യാജന്മാരും.!

 ഒരു ദിവസം പതിവു പോലെ ഫേസ്ബുക് ഓപൺ ചെയ്തതായിരുന്നു.ഫ്രണ്ട് റിക്വസ്റ്റിൽ കുറേ എണ്ണം കണ്ടപ്പോൾ ഒന്ന് ക്ലിക്കി. പെട്ടെന്ന് ഞാനൊന്ന് ഞെട്ടി. കേരളത്തിലും ഗൾഫുനാടുകളിലും ഇസ്ലാമിക പ്രഭാഷണ വേദികളിൽ സജീവ സാന്നിധ്യവും മഹാ പണ്ഡിതനുമായ ജനാബ് ഹുസൈൻ സലഫി എനിക്ക് ഇങ്ങോട്ട് റിക്വസ്റ്റ് അയച്ചിരിക്കുന്നു.. ഹോ എന്നെക്കൊണ്ട് വയ്യ.. ഈ ഹുസൈൻ സലഫിയെ പോലുള്ളവരൊക്കെ എന്റെ പിന്നാലെ കൂടിയാൽ... ശോ.. ഏതായാലും Accept ചെയ്തു.

Friday, September 2, 2011

മുസ്ലിംകൾക്കിടയിലെ നാറാണത്തു ഭ്രാന്തന്മാർ..!

സർവ്വ ശക്തനായ ലോക സ്രഷ്ടാവിന്റെ നാമത്തിൽ..


നാറാണത്തു ഭ്രാന്തനെ അറിയാത്തവരുണ്ടാകില്ല.. കഷ്ടപ്പെട്ട് പാടു പെട്ട് ഭാരമുള്ള ഒരു കല്ല് മലമുകളിലേക്ക് കയറ്റുകയും, തന്റെ അതികഠിനമായ പരിശ്രമങ്ങൾക്കു ശേഷം കല്ല് മുകളിലെത്തിയാൽ ആ കല്ല് താഴേക്ക് ഉരുട്ടി വിട്ട് അത് താഴേക്ക് പോകുന്നത് നോക്കി കൈകൊട്ടിച്ചിരിക്കുന്ന ഒരു മുഴുഭ്രാന്തൻ..!


എന്നാൽ നമുക്കിടയിലും ഇത്തരം ചില ഭ്രാന്തന്മാരുണ്ട്.. അവർ മുകളിലേക്ക് കയറ്റിയത് കല്ലല്ല.. മറിച്ച് പ്രവർത്തനങ്ങളാണ്..! പല പള്ളികൾക്കു മുൻപിലും “നവാഗതർക്ക് സ്വാഗതം” എന്ന ബോർഡ് വെക്കേണ്ട സ്ഥിതിയായിരുന്നു.. ഈ RSP കാരുടെ (തെറ്റിദ്ധരിക്കരുത്, RSP എന്നാൽ : റമദാൻ സ്പെഷൽ പ്രവർത്തകർ)  തിരക്ക് മൂലം സ്ഥിരം ഒന്നാം സ്വഫ്ഫിലുണ്ടായിരുന്ന പലരും അവസാന സ്വഫ്ഫിലെത്തിയിരുന്നു.. അൽഹംദുലില്ലാഹ്, വളരെ നല്ല കാര്യം തന്നെ.. എന്നാൽ റമദാൻ കഴിഞ്ഞതോടെ പലരും പള്ളിയുടെ അടുത്തുകൂടി പോലും പോകാതെയായി.. 

Wednesday, August 24, 2011

മുട്ടിപ്പടി പെട്ടിപ്പടിയാകുമ്പോൾ..

സർവ്വ ശക്തനായ അല്ലാഹുവിന്റെ നാമത്തിൽ..


1400 വർഷങ്ങൾക്ക് മുൻപ് ഈ ലോകത്ത് ജീവിച്ചു പോയ മഹാനായ പ്രവാചകനായിരുന്നു മുഹമ്മദ് (സ) . പുണ്യം കിട്ടുന്ന എല്ലാ കാര്യങ്ങളും ആ പ്രവാചകൻ പഠിപ്പിച്ചു.. തിന്മയെല്ലാം വിരോധിക്കുകയും ചെയ്തു.. ഇനി ഒന്നും ഇസ്’ലാം മതത്തിൽ കൂട്ടിച്ചേർക്കുകയോ ഒന്നും ഒഴിവാക്കുകയോ ചെയ്യേണ്ടതില്ല.. വിശുദ്ധ ഖുർ’ആൻ തന്നെ അക്കാര്യം വ്യക്തമായി പറയുന്നു:


الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا

Thursday, August 18, 2011

വരം.. മേടി..ക്കൽ..സ്..

ദൈവ നാമത്തിൽ.....


ഖത്തറിൽ താമസിക്കുന്ന ഇളയുമ്മയോടൊപ്പം ആശുപത്രിയിൽ പോയതായിരുന്നു.. കൂടെ അവരുടെ രണ്ട് മക്കളുമുണ്ടായിരുന്നു.. ഡോക്ടറെ കണ്ടു തിരിച്ച് കാറിൽ കയറി.. അപ്പോഴാണു അവരുടെ മൂത്ത മകൻ എന്തോ കഷ്ടപ്പെട്ട് വായിക്കുന്നത് കണ്ടത് :
“വ.. വരം.. വരം മേടിക്കൽ..സ് “
വരം മേടിക്കൽ’സോ??
പടച്ചോനേ, ഇപ്പോ എല്ലാം കൂടി വരവും വാങ്ങാനും വിൽകാനും തുടങ്ങിയോ?
അവൻ ചൂണ്ടിക്കാണിച്ച ബോർഡിലേക്ക് നോക്കിയപ്പോഴാണു കാര്യം മനസ്സിലായത്..

അത് “വാരം മെഡിക്കൽ’സ്” (വൈദ്യശാല) എന്നായിരുന്നു..!!

Saturday, August 13, 2011

കണ്ണടച്ച് ഇരുട്ടാക്കുന്നവരോട്...

ഈ ലോകത്തിനൊരു സ്രഷ്ടാവുണ്ട് - ജീവൻ നൽകി വായുവും വെള്ളവും സൌകര്യപ്പെടുത്തി ഭൂമിയെ ജീവയോഗ്യമാക്കിയ പരമകാരുണികനായ സ്ര’ഷ്ടാവ്.. നാം ഈ ലോകത്ത് എങ്ങനെ ജീവിക്കണമെന്നും ഈ ജീവിതത്തിനെ പരമലക്ഷ്യം എന്താണെന്നും പ്രവാചകന്മാർ മുഖേന സ്ര’ഷ്ടാവ് നമ്മെ പഠിപ്പിച്ചു. ഈ ലോക ജീവിതത്തിനു ശേഷം മറ്റൊരു ജീവിതമുണ്ടെന്നും, അവിടെ നന്മക്ക് അതിന്റേതായ പ്രതിഫലവും തിന്മക്ക് അതിന്റേതായ ശിക്ഷയും ഉണ്ടെന്നും അവൻ പഠിപ്പിച്ചു. ഈ ലോകത്തിന്റെ ഏകനായ സ്ര’ഷ്ടാവിനെ സൂക്ഷിച്ച് ജീവിക്കുകയും അവനെ മാത്രം ആരാധിക്കുകയുമാണ് ഏക രക്ഷാമാർഗ്ഗം. സൂര്യനെ അല്ല, സൂര്യന്റെ സ്ര’ഷ്ടാവിനെ, ചന്ദ്രനെ അല്ല, ചന്ദ്രന്റെ സ്ര’ഷ്ടാവിനെ, യേശുവിനെ അല്ല, യേശുവിന്റെ സ്ര’ഷ്ടാവിനെ മാത്രം ആരാധിക്കണമെന്ന്, അതേ ഏകദൈവ വിശ്വാസം പഠിപ്പിച്ച മതമാണ് ഇസ്ലാം. അതനുസരിച്ച് ജീവിക്കുന്നവനെ ആണ് മുസ്ലിം എന്ന് പറയുന്നത്. ഇസ്ലാം പഠിപ്പിച്ചത് പോലെ ജീവിക്കുന്ന്തോടൊപ്പം തന്നെ, അന്യ മതസ്ഥരെ ബഹുമാനിക്കാനും ഇസ്ലാം പഠിപ്പിച്ചു. “നിങ്ങൾ അന്യ മതസ്ഥരുടെ ആരാധ്യ വസ്തുക്കളെ നിന്ദിക്കുകയോ പരിഹസിക്കുകയോ അരുത്” എന്ന് ഖുർ’ആൻ വിശ്വാസികളോട് ആവശ്യപ്പെട്ടു.