ഓടിയാൽ ക്ഷീണം മാറുമോ ഉസ്താദേ?

സർവ്വശക്തനായ അല്ലാഹുവിന്റെ നാമത്തിൽ..

അടികിട്ടിയാൽ കുറച്ച് റെസ്റ്റ് എടുക്കണം. നാട്ടുകാർ മുഴുവൻ പൊതിരെ തല്ലിയാൽ ഒരു മാസമെങ്കിലും “ബെഡ് റെസ്റ്റ്” വേണം..എന്നാൽ കേരളത്തിലെ ഒരു മുസ്ലിയാർക്ക് ഇക്കാര്യം ഇനിയും മനസ്സിലായിട്ടില്ല.. കേശത്തിന്റെയും കാശിന്റെയും പേരിൽ നടത്തിയ വൻ തട്ടിപ്പുകൾ പൊതുജനം കയ്യോടെ പിടികൂടി പൊതിരെ തല്ലിയിട്ടും അയാൾ ഓട്ടം തുടരുകയാണ്. ഇപ്പോഴിതാ വീണ്ടും കാസർഗോഡ് മുതൽ തിരുവനന്തപുരം വരെ വീണ്ടും ഓടുകയാണത്രേ..

ഇത് ആദ്യമായല്ല ഈ മുസ്ലിയാരുടെ “ഓട്ടം”.. മുസ്ലിംകളുടെ ഈമാൻ കുട്ടിച്ചോറാക്കി ജനങ്ങളിലേക്ക് ശിർക്ക് എത്തിക്കാനുള്ള ഒരു “ഇണക്ക”(ഉണക്ക)യാത്ര ഇയാൾ മുൻപും നടത്തിയിരുന്നു. സംവാദങ്ങളായ സംവാദങ്ങളിലൊക്കെ നടത്തിയ ദുർവ്യാഖ്യാനങ്ങൾ പൊതുജനം പിടികൂടി ആദർശംകൊണ്ട് പൊതിരെ തല്ലിയപ്പോൾ അന്ന് ഇയാൾ കേരളഓട്ടം നടത്താൻ തീരുമാനിച്ചു. അന്ന് കാസർഗോഡ് അതിന്റെ ഉൽഘാടനത്തിൽ ഒരു മുസ്ലിയാർ പറഞ്ഞത് “ഈ യാത്ര കഴിയുമ്പോഴേക്കും സർവ്വ വഹാബികളേയും കൊണ്ട് ഞങ്ങൾ മുഹ്യുദ്ദീൻ ശൈഖേ എന്ന് വിളിപ്പിക്കും” എന്നായിരുന്നു.. അപ്പോൾ മുജാഹിദിനെ കൊണ്ട് ശിർക്ക് ചെയ്യിപ്പിക്കാനുള്ള പ്രസ്തുത ഓട്ടം തകരുകയാണുണ്ടായത്.. ഒറ്റ മുജാഹിദും അല്ലാഹുവല്ലാത്തവരെ വിളിച്ചിച്ചു പ്രാർത്ഥിച്ചില്ലെന്ന് മാത്രമല്ല, അങ്ങനെ ചെയ്യുന്ന കുറേ പേർ അല്ലാഹുവിനെ മാത്രം വിളിക്കാൻ തുടങ്ങുകയും ചെയ്തു.. അങ്ങനെ ആ “ഓട്ടം” നിഷ്ഫലമായി..

ഇനിയിപ്പോൾ രണ്ടാമതൊരു മാരത്തോൺ പ്രഖ്യാപിക്കുന്നതിന്റെ ലക്ഷ്യം ഞാൻ പറയാതെ തന്നെ നിങ്ങൾക്കറിയും എന്ന് ഞാൻ വിശ്വസിക്കുന്നു. 42 കോടിയുടെ “ഷെയർ ഷോപ്പിംഗ് കോമ്പ്ലസും” അതിന്റെ നടുവിലുള്ള ചെറിയ ഒരു പള്ളിയും നിർമ്മിക്കാൻ പണം തികഞ്ഞില്ല.. അവസാനം കിട്ടിയ വിവരം അനുസരിച്ച് വെറും 12 കോടി മാത്രമാണ് ഇവർക്ക് കിട്ടിയത്.. ഇനി 30 കോടി പിരിക്കാൻ കേരളം മുഴുവൻ ഓടിയേ തീരൂ.. ഇതാണ് രണ്ടാം ഓട്ടത്തിനു പിന്നിലെ “ഗ്ലുട്ടൻസ്”.. ഈ “മുടി” യുടെ പേരിൽ ഈ മുസ്ലിയാർക്ക് കിട്ടിയ അടിക്ക് കയ്യും കണക്കുമില്ല.. കേരളത്തിലെ എല്ലാ തെരുവുകളിൽ നിന്നും ആദർശമാകുന്ന അടി കിട്ടിയിട്ടും ഇയാൾക്ക് മതിയായില്ലെന്ന് തോന്നുന്നു..

ഈ മുടി ദാന സമ്മേളനത്തിൽ വെച്ച് “പരസ്യമായി സനദ് വായിക്കുന്നു“ എന്ന് പറഞ്ഞായിരുന്നു ഇയാൾ മുടി വാങ്ങിയത്.. പക്ഷെ ഇത് പറഞ്ഞ പേരോട്ടു കാരൻ മുസ്ലിയാർ തന്നെ മുജാഹിദുകളുടേയും സമസ്തക്കാരുടേയും അടി സഹിക്കാൻ പറ്റാതായപ്പോൾ കുറ്റ്യാടി വെച്ച് അത് സനദല്ലെന്നും കുടുംബപരമ്പര (നസബ) ആണെന്നും സമ്മതിച്ചു. അതോടെ അടിയുടെ ശക്തി കൂടി. പിന്നെ അടിയുടെ ശക്തി കുറക്കാൻ വേണ്ടി ഞമ്മന്റെ “ശൈഖുന” ഒരു പത്രസമ്മേളനം വിളിച്ചു.. അവിടെ വെച്ച് പത്രക്കാർ സനദെവിടെ എന്ന് ചോദിച്ചപ്പോൾ “അത് അബൂദാബിയിലാണ്, ഖസ്രജി യാത്രയിലാണ്, അത് കിട്ടാൻ ശ്രമിക്കുകയാണ്” എന്നൊക്കെ പറഞ്ഞ് തടിതപ്പാൻ ശ്രമിച്ചു. അവിടെ നിന്ന് പത്രക്കാരുടെ കയ്യിൽ നിന്നും കിട്ടി കുറേ അടികൾ.! മാത്രമല്ല, ഇന്നേ വരെ ആ സനദ് അവിടെ നിന്നും ഇങ്ങോട്ട് എത്തിക്കാനും കഴിഞ്ഞില്ല..  പിന്നെ സനദ് കിട്ടില്ലെന്ന് മനസ്സിലായതോടെ “സനദ് ചോദിക്കരുത്, കുരുത്തക്കേട് പറ്റും” എന്നായി വയള്.. അത് കേട്ടപ്പോൾ “നിങ്ങൾ വെല്ലൂരിലെ സനദ് ചോദിച്ചിട്ടില്ലേ, നിങ്ങൾക്ക് കുരുത്തക്കേട് പറ്റിയോ?” എന്നും ചോദിച്ച് കുറേ അടികൾ കിട്ടി.. അങ്ങനെ ചുരുക്കത്തിൽ അടിയുടെ മാലപ്പടക്കം തന്നെ കിട്ടി..

ഇതിനിടയിൽ ഈ മുസ്ലിയാർ ആസൂത്രിതമായി മറ്റൊരു പരിപാടി ഒപ്പിച്ചിരുന്നു.. തന്നെ ആളുകൾക്കിടയിൽ പൊക്കിപ്പറയാൻ പകരയിൽ നിന്നുള്ള ഒരു സാധു അഹ്സനിയെ ഇയാൾ ഏല്പിച്ചു.. പക്ഷെ ഈ “സാധു” കണ്ട സ്ഥലത്തൊക്കെ “പൊക്കിപ്പറയാൻ” ശ്രമിച്ചതോടെ സംഗതി വഷളായി.. ആണ്ടു നേർച്ചകളിലും ബുർദ മജ്ലിസുകളിലും സംഘടനാ പരിപാടികളിലും “കാന്തമദ്ഹ്“ കേട്ട് ആളുകൾക്ക് മതിയായി.. പല കഥകളിലും സ്വപ്നത്തിലൂടെയായിരുന്നു “ഉസ്താദിന്റെ ദറജ” ഉയർന്നത്.. അതോടെ ഈ അഹ്സനിക്ക് ചില ആളുകൾ “സ്വപ്ന ജീവി” എന്നും പേരിട്ടു.. അങ്ങനെ തന്റെ ദൌത്യം ഈ അഹ്സനി ഭംഗിയായി നിർവഹിച്ചു പോന്നു.. അതിനിടയിൽ ഇയാൾ പറഞ്ഞ ഒരു മഹാ “സത്യം” കേട്ട് കാന്തഭക്തർ പോലും വാപൊളിച്ചു പോയി..  “ഉസ്താദ് അറിയാതെ അല്ലാഹു ഇനി ഒന്നും ചെയ്യും എന്ന് എനിക്ക് തോന്നുന്നില്ല“ എന്നാണ് ഈ വിദ്വാൻ പറഞ്ഞത്.! (തന്നെ മനുഷ്യ ദൈവമാക്കാൻ ശ്രമിക്കുന്നത് കണ്ടിട്ടും ഞമ്മന്റെ “ശൈഖുന” മൌനം അവലംബിച്ചത് എന്തുകൊണ്ടണെന്ന് എല്ലാർക്കും അറിയാമല്ലോ) അത് കേൾക്കാൻ ഇവിടെ ക്ലിക്കുക : http://www.youtube.com/watch?v=ZlEfCkIqFT8

അങ്ങനെ ഈ അഹ്സനിയുടെ പേരിലും കിട്ടി കുറെ അടികൾ. ഇതിനിടയിൽ മറ്റൊരു വിവാദം കൂടി പൊങ്ങിവന്നു. കൊല്ലം ജില്ലയിലെ ഓച്ചിറ എന്ന സ്ഥലത്ത് ദാമോദരൻ എന്ന ഒരാൾ ജീവിച്ചിരുന്നു. അദ്ദേഹം മരിച്ചപ്പോൾ “ഉസ്താദ് അവർകൾ” മുൻ കൈ എടുത്ത് ഒരു പണിയൊപ്പിച്ചു.. ദാമോദരൻ എന്നത് മാറ്റി “വലിയ്യുള്ളാഹി ഓച്ചിറ ഉപ്പുപ്പ” എന്നു പേരിട്ട് അവിടെ ജാറം പണിയുകയും അത് ഉൽഘാടനം ചെയ്യാൻ നമ്മുടെ “ശൈഖുന” തന്നെ എത്തുകയും ചെയ്തു. ഈ വിഷയം ചില പ്രസിദ്ധീകരണങ്ങൾ വീണ്ടും കൊണ്ടു വന്നപ്പോൾ അതിന്റെ പേരിലും കിട്ടി കുറേ അടികൾ. ഈ ജാറം മാത്രമല്ലെന്നും മറ്റു പല ജാറങ്ങളും ഇങ്ങനെ പൊന്തിയിട്ടുണ്ടെന്നും ചിലർ വാദിച്ചു. അതോടെ അടി പൊതിരെ വന്നു. അതിനിടയിൽ ഇങ്ങനെ ജാറം പൊക്കാൻ പാടില്ലെന്നും അവിടെ ചെന്ന് പ്രാർത്ഥിക്കാൻ പാടില്ലെന്നും പ്രമാണങ്ങളുദ്ധരിച്ച് മുജാഹിദുകൾ സമർത്ഥിച്ചപ്പോൾ മുസ്ലിയാർ ആകെ തകർന്നു പോവുകയായിരുന്നു. ഖബറിന്മേൽ കുമ്മായമിടാൻ പോലും പാടില്ലെന്ന് ഇമാമീങ്ങൾ പറഞ്ഞത് ഉദ്ധരിച്ചപ്പോൾ പൊതുജനവും അടിക്കാൻ തുടങ്ങി ഇയാളെ..!

അതു കൊണ്ട് തന്നെ, താൻ ചെയ്ത തെറ്റുകൾ ഏറ്റുപറഞ്ഞ് കേരളത്തിൽ കാസർഗോഡ് മുതൽ തിരുവനന്തപുരം വരെ ഒരു “മാപ്പുയാത്ര” നടത്താനാണ് ഈ മുസ്ലിയാർ തയ്യാറാകേണ്ടത്. അതെ, റസൂലിന്റെ മുടിയാണെന്ന് പറഞ്ഞ് ജനങ്ങളെ വഞ്ചിച്ചതിന്, നസബ വായിക്കുമ്പോൾ സനദാണെന്ന് പറഞ്ഞ് ജനങ്ങളെ വിഡ്ഡികളാക്കിയതിന്, ദാമോദരൻ എന്ന ആളെ “ഔലിയ” ആക്കി ജനങ്ങളെ പറ്റിച്ചതിന്, ഒരു മുസ്ലിയാരെ കൊണ്ട് തന്നെ പൊക്കിപ്പറയിപ്പിച്ചതിന്.. അങ്ങനെ ഓരോ കാര്യങ്ങളും ഏറ്റുപറഞ്ഞ് ഒരു മാപ്പ് യാത്ര നടത്താനാണ് മുസ്ലിയാർ തയ്യാറാകേണ്ടത്..

അവസാനമായി ഈ മുസ്ലിയാരോടും ശിങ്കിടികളോടും പറയാനുള്ളത്, നിങ്ങൾ ഈ ഓട്ടമൊക്കെ കഴിഞ്ഞ് തിരുവനന്തപുരത്ത് ക്ഷീണിച്ചിരിക്കുമ്പോൾ ഒന്ന് അതിനടുത്തുള്ള ബീമാപ്പള്ളിവരെ ഒന്ന് പോകണം. അവിടെയുള്ള ജാറത്തിൽ പോയി പ്രാർത്ഥിക്കാനല്ല, മറിച്ച് കാടത്തരം കാണിച്ച കുറേ മഹല്ല് ഭാരവാഹികളുണ്ടവിടെ.. അവിടെ പോയി അവരുടെ മാനവികതയെ ഒന്ന് ഉണർത്ത്.. പറ്റുമെങ്കിൽ.........

അവസാന പയറ്റ് : മുല്ലപ്പെരിയാർ വിഷയത്തിൽ ഡാമിന്റെ സുരക്ഷ ഉറപ്പാക്കാൻ കാന്തപുരം പ്രധാനമന്ത്രിയെ കാണുന്നുവത്രെ. അതെന്തിനാ മൊയിലാരേ,, അല്ലാഹു ഡാം പൊളിക്കട്ടെ എന്ന് നിങ്ങളോട് ചോദിക്കുമ്പോൾ വേണ്ടാന്ന് പറഞ്ഞാ പോരേ (പകരമൊയിലാരോട് കടപ്പാട്)

അഭിപ്രായങ്ങൾ കമന്റ് ബോക്സിലൂടെ അറിയിക്കുക.