Thursday, August 18, 2011

വരം.. മേടി..ക്കൽ..സ്..

ദൈവ നാമത്തിൽ.....


ഖത്തറിൽ താമസിക്കുന്ന ഇളയുമ്മയോടൊപ്പം ആശുപത്രിയിൽ പോയതായിരുന്നു.. കൂടെ അവരുടെ രണ്ട് മക്കളുമുണ്ടായിരുന്നു.. ഡോക്ടറെ കണ്ടു തിരിച്ച് കാറിൽ കയറി.. അപ്പോഴാണു അവരുടെ മൂത്ത മകൻ എന്തോ കഷ്ടപ്പെട്ട് വായിക്കുന്നത് കണ്ടത് :
“വ.. വരം.. വരം മേടിക്കൽ..സ് “
വരം മേടിക്കൽ’സോ??
പടച്ചോനേ, ഇപ്പോ എല്ലാം കൂടി വരവും വാങ്ങാനും വിൽകാനും തുടങ്ങിയോ?
അവൻ ചൂണ്ടിക്കാണിച്ച ബോർഡിലേക്ക് നോക്കിയപ്പോഴാണു കാര്യം മനസ്സിലായത്..

അത് “വാരം മെഡിക്കൽ’സ്” (വൈദ്യശാല) എന്നായിരുന്നു..!!



***********************
ഒൻപതാം ക്ലാസിൽ പഠിക്കുന്ന കുട്ടി.. ഇംഗ്ലീഷ് മീഡിയത്തിൽ പഠിക്കുന്നു.. കണ്ണൂരിൽ നിന്ന് അടുത്തുള്ള സ്ഥലത്തേക്ക് ബസ്സിൽ പോകാൻ ബസ് സ്റ്റോപ്പിൽ പോയി..
കയറിയത് കോഴിക്കോട് ബസ്സിൽ..!!
ബസ്സിന്റെ ബോർഡ് വായിക്കാൻ അറിയില്ല.. അതാണു പ്രശ്നം..
***********************


മുമ്പ് കാലത്ത് എഴുപതും എൺപതും വയസ്സുള്ളവർ ബസ്സ് ബോർഡ് വായിക്കാനറിയാതെ പ്രയാസപ്പെടുന്ന കാഴ്ചയായിരുന്നു കണ്ടിരുന്നത് എങ്കിൽ, ഇന്ന് പതിനഞ്ചും ഇരുപതും വയസ്സുള്ളവരാണ് മലയാളം വായിക്കാനറിയാതെ വിഷമിക്കുന്നത്.. 100% സാക്ഷരത നേടി എന്ന് അഭിമാനിക്കുന്ന കേരളീയർ ഇന്ന് വീണ്ടും തിരിച്ച് പോയിക്കൊണ്ടിരിക്കുകയാണോ? ഇത് ഏത് വിദ്യാഭ്യാസത്തിന്റെ കുഴപ്പമാണ്?? ഇംഗ്ലീഷ് മീഡിയങ്ങൾ വേണ്ട എന്നല്ല പറഞ്ഞു വരുന്നത്.  ഇംഗ്ലീഷ് സ്കൂളുകൾ വേണം, കുട്ടികൾ ഇംഗ്ലീഷ് പഠിക്കട്ടെ, ഉയരങ്ങളിലേക്ക് എത്തട്ടെ,, ഇംഗ്ലീഷ് മീഡിയങ്ങൾ ഒരിക്കലും മലയാള ഭാഷ പഠിക്കുന്നതിനു എതിരല്ല.. എട്ടാം ക്ലാസുവരെ മലയാള പഠനം നിർബന്ധമാണ് പല ഇംഗ്ലീഷ് സ്കൂളുകളിലും.. എന്നിട്ടുമെന്തേ??


നമ്മുടെ മാതൃഭാഷക്ക് നാം തീരെ പരിഗണന നൽകുന്നില്ല എന്നതു തന്നെ കാരണം.. കേരളത്തിലെ ഭരണഭാഷ മലയാളമാക്കിക്കൊണ്ടുള്ള സര്‍ക്കാര്‍ ഉത്തരവ്‌ 1969-ലാണ്‌ നിലവില്‍ വന്നത്‌. സര്‍ക്കാര്‍പദ്ധതികളുടെ പേരുകള്‍ മലയാളത്തിലായിരിക്കണമെന്നും നിയമമുണ്ട്‌. എന്നിട്ടും സര്‍ക്കാര്‍പദ്ധതികളുടെ പേരുകള്‍ ഇപ്പോഴും പൂര്‍ണമായി മലയാളത്തിലായിട്ടില്ല. ഏറ്റവും ജനകീയതലത്തില്‍ പ്രവര്‍ത്തിക്കുന്ന മാവേലിസ്റ്റോറുകളിലും കെ.എസ്‌.ആര്‍.ടി.സി ബസ്സുകളിലും ബില്ലുകള്‍ നല്കുന്നത്‌ ഇംഗ്ലീഷിലാണ്‌. അല്പം ഭാഷാസ്നേഹവും ഇച്ഛാശക്തിയും ഉണ്ടെങ്കില്‍ ഇതെല്ലാം നിഷ്പ്രയാസം മാതൃഭാഷയില്‍ നല്കാന്‍ സാധിക്കുമെന്ന്‌ നമ്മുടെ അയല്‍സംസ്ഥാനങ്ങള്‍ തെളിയിച്ചിട്ടുണ്ട്‌. മെഡിക്കല്‍ - എഞ്ചിനിയറിങ്ങ്‌ കോഴ്സുകള്‍ക്കുപോലും അവിടെ മാതൃഭാഷാപഠനം അനുബന്ധമായി ചേര്‍ത്തിട്ടുണ്ട്‌. എന്നാല്‍ നമ്മുടെ നാട്ടില്‍ സര്‍ക്കാരിന്റെ മലയാളം മീഡിയം സ്കൂളുകളില്‍ പോലും ഇംഗ്ലീഷ്‌ മീഡിയം ക്ലാസുകള്‍ ആരംഭിക്കുകയാണ്‌ ചെയ്യുന്നത്‌.


ഇന്ന് മലയാളം വെബ് സൈറ്റുകളുണ്ട്.. മലയാളം ഫോണ്ടുകളുണ്ട്.. പക്ഷെ കേരളത്തിലുള്ള കുട്ടികൾക്ക് മാത്രം മലയാളമറിയില്ല.. ഇന്ത്യയിൽ അംഗീക്ര്’ത് ഭാഷകളിൽ മലയാളമുണ്ട്.. പക്ഷെ  പക്ഷെ കേരളത്തിലുള്ള കുട്ടികൾക്ക് മാത്രം മലയാളമറിയില്ല.. ഇതെന്തേ ഇങ്ങനെ??


മുമ്പ് കാലത്ത് ചെറിയ കുട്ടികൾക്ക് “മഴ മഴ പെയ്യുന്നു...” എന്ന പാട്ടായിരുന്നു പഠിപ്പിച്ചിരുന്നത് എങ്കിൽ, ഇന്ന് കുട്ടി ജനിക്കുന്നത് തന്നെ “ജോണി ജോണി..” കേട്ടിട്ടാണ്..


ഭാഷയെ വെറും ആശയ വിനിമയത്തിനുള്ള ഉപാധിയായും അതുകൊണ്ട് എഴുതാനും വായിക്കാനും പഠിക്കുന്നതാണ് ഭാഷാ പഠനമെന്നും ചിന്തിക്കുമ്പോഴാണ് മാതൃഭാഷയായ മലയാളത്തെ നാം അവഗണിച്ചു പോകുന്നത്.. 


അതു കൊണ്ട് ഗൾഫിലാകട്ടെ,, നാട്ടിലാകട്ടെ, മലയാളം പഠിക്കാത്ത രീതിയിലേക്ക് നാം മാറാൻ പാടില്ല.. കേരളമക്കൾ മലയാളം പഠിക്കേണ്ടവരാണ്.. നാലാളുകൾ കൂടുന്നിടത്ത് മലയാളം പറയുന്നത് “കുറവാണ്” എന്ന ചിന്ത നാം മാറ്റിയെടുക്കേണ്ടതുണ്ട്.. അല്ലെങ്കിൽ നാളെ “വാരം മെഡിക്കൽ’സ്” എന്നത് “വരം മേടിക്കൽ’സ്” എന്ന് വായിക്കാൻ ഇനിയും കുട്ടികളുണ്ടാവും..


നാളെ തലശേരിയിൽ പോകേണ്ട പലരും തിരുവനന്തപുരത്തെത്തിയേക്കാം.. ഇനിയെങ്കിലും നാം ഉണരുക.. നമ്മുടെ മാതൃഭാഷയെ ഇനിയെങ്കിലും നാം ആത്മാർത്ഥമായി സ്നേഹിക്കുക.. സർവ്വശക്തൻ അനുഗ്രഹിക്കുമാറാകട്ടെ...


അഭിപ്രായങ്ങളും അനുഭവങ്ങളും കമന്റ് ബോക്സിലൂടെ അറിയിക്കാൻ മറക്കരുതേ..

10 comments:

  1. നാളെ തലശേരിയിൽ പോകേണ്ട പലരും തിരുവനന്തപുരത്തെത്തിയേക്കാം.. ഇനിയെങ്കിലും നാം ഉണരുക.. നമ്മുടെ മാതൃഭാഷയെ ഇനിയെങ്കിലും നാം ആത്മാർത്ഥമായി സ്നേഹിക്കുക.. സർവ്വശക്തൻ അനുഗ്രഹിക്കുമാറാകട്ടെ...

    ReplyDelete
  2. Innathe sahacharyathil shradheyamaya post..

    Mapila tube.blogspot.com

    ReplyDelete
  3. അള്ളാഹു അനുഗ്രഹിക്കട്ടെ (ആമീന്‍)
    വി.സി.അശ്റഫ്‌

    ReplyDelete
  4. @ Çß$ çå£ìçút : നന്ദി.. ബ്ലോഗ് സന്ദർശിച്ചതിനും അഭിപ്രായം രേഖപ്പെടുത്തിയതിനും..

    @വി.സി.അശ്രഫ് : ആമീൻ.. പ്രാർത്ഥനയിൽ ഉൾപെടുത്തുക.. ബ്ലോഗ് സന്ദർശിച്ചതിനു നന്ദി.. ജസാക്കല്ലാഹ് ഖൈറൻ..

    ReplyDelete
  5. വായന അടയാളപ്പെടുത്തുന്നു. എഴുത്ത് കൊള്ളാം. തുടരുക. കമന്റിലെ വേർഡ് വെരിഫിക്കേഷൻ ഒഴിവാക്കിയാൽ കമന്റിടുന്നവർക്ക് സമയ നഷ്ടം ഒഴിവാകും

    ReplyDelete
  6. @ഇ.എ.സജിം തട്ടത്തുമല : വളരെയധികം നന്ദി.. ബ്ലോഗ് വായിക്കാൻ സമയം കണ്ടെത്തിയതിനു അഭിപ്രായം രേഖപ്പെടുത്തിയതിനു.. വേർഡ് വെരിഫികേഷൻ ഒഴിവാക്കിയിട്ടുണ്ട്... ഇനിയും വരിക..

    ‌‌@ അനോണി : നന്ദി

    ReplyDelete
  7. നന്നായി എഴുതിയിരിക്കുന്നു..ആശംസകള്‍..

    ReplyDelete
  8. @ Jefu Jailaf : നന്ദി.. ബ്ലോഗ് സന്ദർശിച്ചതിനും അഭിപ്രായം രേഖപ്പെടുത്തിയതിനും...

    ReplyDelete
  9. അമിഞ്ഞ പാലിനെയും മാതൃഭാഷയെയും ഒരു പോലെ കാണണം എന്ന് പണ്ട് മലയാളം അദ്ധ്യാപകന്‍ പറയാറുണ്ട്.
    പക്ഷെ മലയാളികളുടെ ഇന്നത്തെ പോക്ക് കണ്ട് ഇനി ഒരു 50 വര്‍ഷത്തിനകം ശുദ്ധ മലയാളം ചരമം പ്രാപിക്കും എന്ന്‌ തോന്നുന്നു. പടച്ചവനറിയാം......

    ReplyDelete