ഈ ലോകത്തിനൊരു സ്രഷ്ടാവുണ്ട് - ജീവൻ നൽകി വായുവും വെള്ളവും സൌകര്യപ്പെടുത്തി ഭൂമിയെ ജീവയോഗ്യമാക്കിയ പരമകാരുണികനായ സ്ര’ഷ്ടാവ്.. നാം ഈ ലോകത്ത് എങ്ങനെ ജീവിക്കണമെന്നും ഈ ജീവിതത്തിനെ പരമലക്ഷ്യം എന്താണെന്നും പ്രവാചകന്മാർ മുഖേന സ്ര’ഷ്ടാവ് നമ്മെ പഠിപ്പിച്ചു. ഈ ലോക ജീവിതത്തിനു ശേഷം മറ്റൊരു ജീവിതമുണ്ടെന്നും, അവിടെ നന്മക്ക് അതിന്റേതായ പ്രതിഫലവും തിന്മക്ക് അതിന്റേതായ ശിക്ഷയും ഉണ്ടെന്നും അവൻ പഠിപ്പിച്ചു. ഈ ലോകത്തിന്റെ ഏകനായ സ്ര’ഷ്ടാവിനെ സൂക്ഷിച്ച് ജീവിക്കുകയും അവനെ മാത്രം ആരാധിക്കുകയുമാണ് ഏക രക്ഷാമാർഗ്ഗം. സൂര്യനെ അല്ല, സൂര്യന്റെ സ്ര’ഷ്ടാവിനെ, ചന്ദ്രനെ അല്ല, ചന്ദ്രന്റെ സ്ര’ഷ്ടാവിനെ, യേശുവിനെ അല്ല, യേശുവിന്റെ സ്ര’ഷ്ടാവിനെ മാത്രം ആരാധിക്കണമെന്ന്, അതേ ഏകദൈവ വിശ്വാസം പഠിപ്പിച്ച മതമാണ് ഇസ്ലാം. അതനുസരിച്ച് ജീവിക്കുന്നവനെ ആണ് മുസ്ലിം എന്ന് പറയുന്നത്. ഇസ്ലാം പഠിപ്പിച്ചത് പോലെ ജീവിക്കുന്ന്തോടൊപ്പം തന്നെ, അന്യ മതസ്ഥരെ ബഹുമാനിക്കാനും ഇസ്ലാം പഠിപ്പിച്ചു. “നിങ്ങൾ അന്യ മതസ്ഥരുടെ ആരാധ്യ വസ്തുക്കളെ നിന്ദിക്കുകയോ പരിഹസിക്കുകയോ അരുത്” എന്ന് ഖുർ’ആൻ വിശ്വാസികളോട് ആവശ്യപ്പെട്ടു.