കണ്ണടച്ച് ഇരുട്ടാക്കുന്നവരോട്...

ഈ ലോകത്തിനൊരു സ്രഷ്ടാവുണ്ട് - ജീവൻ നൽകി വായുവും വെള്ളവും സൌകര്യപ്പെടുത്തി ഭൂമിയെ ജീവയോഗ്യമാക്കിയ പരമകാരുണികനായ സ്ര’ഷ്ടാവ്.. നാം ഈ ലോകത്ത് എങ്ങനെ ജീവിക്കണമെന്നും ഈ ജീവിതത്തിനെ പരമലക്ഷ്യം എന്താണെന്നും പ്രവാചകന്മാർ മുഖേന സ്ര’ഷ്ടാവ് നമ്മെ പഠിപ്പിച്ചു. ഈ ലോക ജീവിതത്തിനു ശേഷം മറ്റൊരു ജീവിതമുണ്ടെന്നും, അവിടെ നന്മക്ക് അതിന്റേതായ പ്രതിഫലവും തിന്മക്ക് അതിന്റേതായ ശിക്ഷയും ഉണ്ടെന്നും അവൻ പഠിപ്പിച്ചു. ഈ ലോകത്തിന്റെ ഏകനായ സ്ര’ഷ്ടാവിനെ സൂക്ഷിച്ച് ജീവിക്കുകയും അവനെ മാത്രം ആരാധിക്കുകയുമാണ് ഏക രക്ഷാമാർഗ്ഗം. സൂര്യനെ അല്ല, സൂര്യന്റെ സ്ര’ഷ്ടാവിനെ, ചന്ദ്രനെ അല്ല, ചന്ദ്രന്റെ സ്ര’ഷ്ടാവിനെ, യേശുവിനെ അല്ല, യേശുവിന്റെ സ്ര’ഷ്ടാവിനെ മാത്രം ആരാധിക്കണമെന്ന്, അതേ ഏകദൈവ വിശ്വാസം പഠിപ്പിച്ച മതമാണ് ഇസ്ലാം. അതനുസരിച്ച് ജീവിക്കുന്നവനെ ആണ് മുസ്ലിം എന്ന് പറയുന്നത്. ഇസ്ലാം പഠിപ്പിച്ചത് പോലെ ജീവിക്കുന്ന്തോടൊപ്പം തന്നെ, അന്യ മതസ്ഥരെ ബഹുമാനിക്കാനും ഇസ്ലാം പഠിപ്പിച്ചു. “നിങ്ങൾ അന്യ മതസ്ഥരുടെ ആരാധ്യ വസ്തുക്കളെ നിന്ദിക്കുകയോ പരിഹസിക്കുകയോ അരുത്” എന്ന് ഖുർ’ആൻ വിശ്വാസികളോട് ആവശ്യപ്പെട്ടു.

എന്നാൽ ഇതിനു വിപരീതമായി അമുസ്ലിംകളെ നിന്ദിക്കുവാനും പരിഹസിക്കുവാനുമാണ് ഇസ്ലാം പഠിപ്പിച്ചത് എന്നും ഇസ്ലാം എന്നാൽ തീവ്രവാദമാണ് എന്നും ചില “മുസ്ലിം നാമധാരികൾ” ബൂലോകത്ത് പ്രചരിപ്പിച്ച് കൊണ്ടിരിക്കുകയാണ്. യഥാർത്ഥത്തിൽ ഇവരുടെ ആരോപണങ്ങൾക്ക് കീറിയ ചാക്കിന്റെ വിലപോലും നൽകേണ്ടതില്ലെന്ന് ഇവർ പറയുന്ന തെളിവുകൾ വായിച്ചാൽ മനസ്സിലാകും. ഇസ്ലാം ഭീകരവാദമാണ് എന്നതിനു ഈ വിദ്വാനു തെളിവ് താലിബാനാണത്രേ..! രാമസേനയെ നോക്കിയാണോ ഹിന്ദു മതത്തെ ആരെങ്കിലും വിലയിരുത്തുന്നത്?? എൽ.ടി.ടി യെ നൊക്കിയാണോ ആരെങ്കിലും തമിഴരെ വിലയിരുത്തുന്നത്??  എന്തിനേറെ, ഈ വിദ്വാനെ നോക്കിയാണോ ആരെങ്കിലും യുക്തി വാദികളെ വിലയിരുത്തുന്നത്?? “തീവ്രവാദത്തിനു മതമില്ല, അത് വേറെ തന്നെ ഒരു മതമാണ്”  എന്ന് ഒരു ബീ.ജെ.പി എം.പി പാർളിമെന്റിൽ പറഞ്ഞതെങ്കിലും ഇയാൾ ശ്രദ്ധിച്ചിരുന്നു എങ്കിൽ.. താലിബാനികൾ ചെയ്യുന്നത് അനിസ്ലാമിക പ്രവർത്തനമാണെന്നത് ഏത് സാധാരണക്കാരനും അറിയാവുന്ന കാര്യമാണ്. “അന്യായമായി ഒരു മനുഷ്യനെ കൊന്നാൽ, അവൻ ഭൂമിയിലുള്ള സകലരേയും കൊന്നത് പോലെയാണ്” എന്ന് പഠിപ്പിക്കുന്ന ഇസ്ലാമിന്റെ അനുയായികൾക്ക് എങ്ങനെ താലിബാനിയൻ ആശയങ്ങൾ പിന്തുടരാൻ കഴിയും??

അത് പോലെ തന്നെ, ഖുർ’ആനിനെ വിമർശിക്കാൻ ഒരു ബ്ലോഗ് തന്നെ ഉണ്ടാക്കിയിട്ടുണ്ട് ഈ മാന്യദേഹം.! അതിൽ ഖുർ’ആനും ഇസ്ലാമും അന്യമതങ്ങളെ നിന്ദിക്കുന്നു എന്നതിനു ഇയാൾ പറഞ്ഞതെളിവ് ഇസ്ലാമിൽ അന്യ മതത്തിൽ നിന്ന് വിവാഹം കഴിക്കാൻ അനുവദിക്കുന്നില്ല എന്നതാണ്. യഥാർത്തത്ഥത്തിൽ വിവാഹം എന്നത് പവിത്രമായ ഒരു കർമ്മമായാണ് ഇസ്ലാം കാണുന്നത്. മരണം വരെ നീണ്ടു നിൽക്കുന്ന ഒരു പവിത്രമായ ബന്ധമാണത്. സ്ത്രീ-പുരുഷന്ധത്തെ ഖുർആൻ ഉപമിച്ചിരിക്കുന്നത്‌ വസ്ത്ര​‍ത്തോടാണ്‌. ”അവർ നിങ്ങൾക്കൊരു വസ്ത്രമാകുന്നു. നിങ്ങൾ അവർ ക്കുമൊരു വസ്ത്രമാകുന്നു“ (2:187). ഇണകൾ തമ്മിൽ നിലനിൽക്കേണ്ട അടുപ്പവും പാരസ്പര്യവും വ്യക്തമാക്കുന്നതാണ്‌ ഈ ഉപമ. ഇത്തരത്തിലുള്ള ഒരു ബന്ധമായിരിക്കെ പരസ്പര വിശ്വാസവും ഒത്തിണക്കവും അനിവാര്യമാണ്. തന്റെ പങ്കാളി പിന്തുടരുന്ന ധാർ മിക ജീവിതം തന്റെ ആദർശത്തിന്‌ തികച്ചും വിരുദ്ധമാകുന്നത്‌ മുസ്ലിമിന്റെ മതജീവിതത്തെ പ്രതികൂലമായി ബാധിക്കും. വ്യഭിചാരത്തെ മതാചാരമായി കാണുന്ന മതസമൂഹങ്ങളുണ്ട്‌. ഗ്രീസിലെ ഹെറ്റൈറകളും ഇന്ത്യയിലെ ദേവദാസികളും മതപരമായി അടിച്ചേൽ പിക്കപ്പെട്ട വേശ്യാവൃത്തി ചെയ്യാൻ വിധിക്കപ്പെട്ടവരായിരുന്നു. കന്യകയു ടെയോ പിതാവിന്റെയോ സമ്മതമില്ലെങ്കിൽകൂടി ഇഷ്ടപ്പെട്ട സ്ത്രീയെ തട്ടിക്കൊണ്ടുവന്ന്‌ വിവാഹം ചെയ്യാമെന്നാണ്‌ മനുസ്മൃതിയുടെ വിധി. ക്ഷത്രിയന്‌ അനുവദനീയമായ ഇത്തരം വിവാഹത്തിനാണ്‌ രാക്ഷസം എന്നു പറയുന്നത്‌ (മനുസ്മൃതി 3:26).

ഇതാണ് ഇദ്ദേഹവും കൂട്ടാളികളും ഉദ്ധരിക്കുന്ന എല്ലാ ആരോപണങ്ങളുടെ നിജസ്ഥിതി. ഇനി ഒരു മുസ്ലിം മറ്റൊരു മതത്തിൽ നിന്ന് വിവാഹം ചെയ്താൽ “ലൌ ജിഹാദ്” എന്ന് പറഞ്ഞ് അലമുറയിടാനും ഇവർ തന്നെ മുൻ നിരയിൽ ഉണ്ടാകുകയും ചെയ്യും.

ഇത്തരത്തിൽ ഖുർ’ആനിനേയും ഇസ്ലാമിനേയും മറ്റൊരു കോണിലൂടെ നോക്കിക്കാണുകയും അതിനെ പരിഹസിക്കുകയും ചെയ്യുന്ന ജബ്ബാറുമാർ ഈ ഖുർ’ആൻ വചനം ഒന്ന് ശ്രദ്ധിച്ചിരുന്നു എങ്കിൽ...:

“അല്ലാഹുവെ കണക്കാക്കേണ്ട മുറപ്രകാരം അവർ കണക്കാക്കിയിട്ടില്ല, തീർച്ചയായും അല്ലാഹു ശക്തനും പ്രതാപിയും തന്നെയാകുന്നു” (വിശുദ്ധ ഖുർ’ആൻ  - 22:74)


നിങ്ങളുടെ അഭിപ്രായങ്ങൾ കമന്റ് ബോക്സിലൂടെ അറിയിക്കുക..