“വിലക്കിൽ” കുടുങ്ങുന്ന സത്യത്തിന്റെ വാഹകന്മാർ..!

“ഒന്ന് മുടി വെട്ടണം..”
“നീയാ വഹാബി മുഹമ്മദിന്റെ മോനല്ലേ..?”
“അതെ..”
എങ്കിലിവിട്ന്ന് മുടി വെട്ടൂല.. വേറെ എവിടെങ്കിലും നോക്കിക്കോ..”
“പണം തരാം... രണ്ട് മാസത്തോളമായി മുടി വെട്ടീറ്റ്..”
“രണ്ട് കൊല്ലായാലും നൂറുർപ്യ തന്നാലും ഇബ്ട്ന്ന് മുടി മുറിക്കൂല മോനേ.. മുറിച്ചാൽ എനിക്കും വെരും ഊരുവിലക്ക്...”

ഇതൊരു സാങ്കല്പിക സംഭാഷണമല്ല... മുടി മുറിക്കുക എന്ന അവകാശത്തെ പോലും നിഷേധിക്കപ്പെട്ട  28 കുടുംബം... ഇതങ്ങ് ഉഗാണ്ടയിലോ ഫലസ്തീനിലോ ചെച്നിയയിലോ അല്ല.. ദൈവത്തിന്റെ സ്വന്തം നാടെന്ന് ഊറ്റം കൊള്ളുന്ന കേരളത്തിന്റെ തലസ്താന നഗരിയിൽ നിന്ന് ഒരു ഓട്ടോ പിടിച്ചാൽ ഈ ദുരന്തസ്ഥലത്തെത്തും..


പേര് ബീമാപ്പള്ളി...!!

മാസങ്ങളായി ബീമാപ്പള്ളിയിലെ 28 കുടുംബങ്ങൾ കഷ്ടപ്പാട് അനുഭവിക്കുകയായിരുന്നു.. കുടുംബത്തിലാരെങ്കിലും മരിച്ചാൽ മറവ് ചെയ്യില്ല.. സ്വന്തം ഉപ്പയുടേതാണെങ്കിലും പള്ളിയിൽ വെച്ച് മയ്യിത്ത് നമസ്കാരം നിർവ്വഹിക്കാൻ പാടില്ല.. മുജാഹിദ് പാൽകാരനിൽ നിന്ന് പാല് വാങ്ങാൻ പാടില്ല.. വിവാഹങ്ങൾ രെജിസ്റ്റർ ചെയ്യില്ല..

ഈ വിലക്കൊക്കെ ഏതെങ്കിലും കൊലക്കുറ്റം ചെയ്തതിന്റെ പേരിലല്ല.. വ്യഭിചരിച്ചതിനോ കള്ള് കുടിച്ചതിനോ പിടിച്ചു പറിച്ചതിനോ അല്ല... ബീമാപ്പള്ളി ജാറത്തിൽ പോയി പ്രാർത്ഥിക്കാൻ പറ്റില്ലെന്ന്, അവിടെ പോയി ത്വവാഫ് ചെയ്യാൻ പറ്റില്ലെന്ന്, ആ നേർച്ചയിൽ പങ്കെടുക്കാൻ പറ്റില്ലെന്ന് പറഞ്ഞതിന്..!!!!

ഒന്നല്ല ഒരായിരം വിലക്കുകൾ വന്നാലും ഈ പച്ച ശിർക്ക് ഞങ്ങൾ ചെയ്യില്ലെന്ന് തന്നെ മുജാഹിദുകൾ ഒരേ സ്വരത്തിൽ പറഞ്ഞു..

അൽഹംദുലില്ലാഹ്.. ഇപ്പോഴിതാ നീതി ലഭിച്ചിരിക്കുന്നു.. പ്രസ്തുത വിലക്ക് വഖഫ് ബോർഡ് റദ്ദാക്കി... അൽഹംദുലില്ലാഹ്.. സത്യം വന്നു.. അസത്യം പരാജയപ്പെട്ടു.. തീർച്ചയായും അസത്യം അത് പരാജയപ്പെടാനുള്ളത് തന്നെയാകുന്നു...

വിലക്കുകളും പുറത്താക്കലുകളും കല്ലേറുകളും കൂക്കുവിളികളും ഏറ്റു വാങ്ങേണ്ടി വരും എന്ന് അറിഞ്ഞു കൊണ്ട്  തന്നെയാണ് ഞങ്ങളീ സത്യം പറയാനിറങ്ങിയത്.. സത്യം പറയുമ്പോൾ, പ്രമാണത്തിലുള്ളത് അത് പോലെ പറയുമ്പോൾ ജനങ്ങൾ പൂമാലയിട്ട് സ്വീകരിക്കുമെന്നൊന്നും മുജാഹിദുകൾ വ്യാമോഹിച്ചിട്ടില്ല... മഹല്ല് ഭാരവാഹികൾക്കും പ്രമാണിമാർക്കും ഒപ്പിച്ച് ദീൻ പറയാൻ മുജാഹിദുകളെ കിട്ടില്ല..

പ്രമാണിമാരല്ല, പ്രമാണമാണ് വലുത്.. ഏത്  മഹല്ല് കമ്മറ്റി ഊരു വിലക്കിയാലും അത് മുജാഹിദുകൾ പറഞ്ഞു കൊണ്ടേയിരിക്കും... അവസാനത്തെ മുജാഹിദിന്റെ അവസാന ശ്വാസം വരെ... അല്ലാഹുവിന്റെ പ്രകാശത്തെ ഊതിക്കെടുത്താമെന്നവർ വ്യാമോഹിക്കുന്നു.. എന്നാൽ അല്ലാഹു തന്നെ അത് സംരക്ഷിക്കും.. തീർച്ച..

പൂർത്തീകരണത്തിനു വേണ്ടി ഈ പോസ്റ്റ് വായിക്കുക : ബീമാപ്പള്ളിയിലെ കാടത്തരം കേരളത്തിന്നപമാനം..

അവസാനപയറ്റ് : വിലക്കുകളും പുറത്താക്കലുകളും വരുമ്പോഴേക്ക് ഈ ആദർശം ആവിയായിപ്പോയി എന്ന് മുഖപുസ്തകത്തിലും മറ്റും പ്രചരിപ്പിച്ചവരെവിടേ???

വിലക്കുകളും കല്ലേറുകളും മുജാഹിദുകൾക്ക് പുത്തരിയല്ല...  ഈ വീഡിയോ കാണുക :