പിറവത്തും ജയിച്ചത് ശൈഖുന തന്നെ..

സർവ്വ ശക്തനായ രക്ഷിതാവിന്റെ നാമത്തിൽ...

 പിറവം ഇലക്ഷൻ കഴിഞ്ഞു.. എൽ.ഡി.എഫും, യു.ഡി.എഫും പറഞ്ഞതു പോലെ ഭരണത്തെ ജനങ്ങൾ വിലയിരുത്തിക്കഴിഞ്ഞു.. അഞ്ചു കൊല്ലം ഭരിച്ചിട്ട് ഒരു ചുക്കും ചെയ്യാതിരുന്ന എൽ.ഡി.എഫിനേയും ഒരു വർഷത്തിനുള്ളിൽ ചെയ്യാവുന്നതെല്ലാം ചെയ്ത യുഡീഫിനേയും ജനങ്ങൾ നന്നായി “വില”യിരുത്തി.. ജനസമ്പർക്ക പരിപാടികളും മറ്റുമായി ഉമ്മൻ ചാണ്ടി സർക്കാർ ചെയ്തത് എന്ത് ഉദ്ദേശത്തിന്റെ പേരിലാണെങ്കിലും തള്ളിക്കളയാനാകില്ല.. ഇത് യഥാർത്ഥത്തിൽ അനൂപ് ജേകബിന്റെ വിജയമോ എം.ജെ ജേകബിന്റെ പരാജയമോ അല്ല, മറിച്ച് യു.ഡി.എഫ് സർക്കാരിന്റെ വിജയമാണ്. അർഹിച്ച വിജയം...


പക്ഷെ അതൊന്നുമല്ല ഇവിടെ വിഷയം. ജയിച്ചത് യു.ഡി.എഫോ , എൽ.ഡി എഫോ ഇനി സാക്ഷാൽ ബി.ജെ.പി തന്നെയായാലും അടുത്ത ദിവസങ്ങളിലായി നടക്കാനിരിക്കുന്ന ഒരു ഇന്റർവ്യൂ ആണു പ്രശ്നം
.

കഴിഞ്ഞ ഇലക്ഷനിൽ മുസ്’ലിം ലീഗ് 20 സീറ്റ് നേടി ചരിത്ര വിജയം സൃഷ്ടിച്ചപ്പോൾ തമാശക്ക് പറഞ്ഞിരുന്നു, കാന്തപുരം “ഞങ്ങൾ ചെയ്തത് ലീഗിനായിരുന്നു” പറയും എന്ന്.. എന്നാൽ പിന്നീട് റിപ്പോർട്ടർ ചാനലിന്റെ അഭിമുഖം കണ്ടപ്പോൾ വാ പൊളിച്ച് നിന്നു പോയി.. മുസ്’ലിം ലീഗിന്റെ വിജയത്തിന്റെ വിജയത്തിന്റെ കാരണം ഞങ്ങളുടെ വോട്ടാണെന്നും ഞങ്ങളുടെ വോട്ടില്ലായിരുന്നു എങ്കിൽ മുസ്’ലിം ലീഗ് രണ്ടോ മൂന്നോ സീറ്റിൽ ഒതുങ്ങുമായിരുന്നു എന്നുമായിരുന്നു മഹാനവർകൾ അന്ന് പൊട്ടിച്ചത്.. അത് കൊണ്ട് ഇപ്രാവശ്യവും അത് ആവർത്തിച്ച് കൂടായ്കയില്ല.. പിറവം മുസ്ലിം ന്യൂനപക്ഷ മണ്ഡലമാണെന്നൊന്നും  ശൈഖുനക്കറിയണ്ട.. ഞമ്മളെ വോട്ട് ജയിച്ച പാർട്ടിക്ക് തന്നെ..


വർഷങ്ങൾക്ക് മുൻപ് ലോകസഭാ ഇലക്ഷനിൽ ഈ ശൈഖുനയുടെ മുരീദായ ഹുസൈൻ രണ്ടത്താണി മത്സരിച്ചിരുന്നു. അന്ന് മഹാനവർകളും കൂട്ടാളികളും  പ്രചരിപ്പിച്ചത് എൽ.ഡി.എഫിനു വേണ്ടി വോട്ട് ചെയ്യാൻ ബദറിൽ ഇറങ്ങിയത് പോലെ മലക്കുകൾ ഇറങ്ങി എന്നായിരുന്നു. പക്ഷെ ആയിരക്കണക്കിനു മലക്കുകളിറങ്ങിയിട്ടും.. മുസ്ലിം ലീഗിനെ ജയിപ്പിച്ച “പതി”നായിരക്കണക്കിനു അണികളുണ്ടായിട്ടും പൊട്ടിയത് രണ്ടത്താണി തന്നെയായിരുന്നു... മാത്രമല്ല, ഇലക്ഷനു മുൻപ് തന്നെ ഇവരുടെ ഒരു തങ്ങൾ ഹുസൈൻ രണ്ടത്താണിയെ “എം.പീ...” എന്ന് വിളിച്ചിരുന്നുവെന്നും അതിനാൽ ജയം ഉറപ്പാണ് എന്നുമാണ് അനുയായികൾ തട്ടിവിട്ടത്..


ഇദ്ദേഹം മാത്രമല്ല, ഇയാളുടെ കൂട്ടത്തിൽ പെട്ട മറ്റു ശൈഖുനമാരും “ഇലക്ഷൻ പ്രവചനങ്ങളിൽ” ബഹുകേമന്മാരാണ്. മുസ്’ലിം ലീഗിന്റെ സ്ഥാനാർത്ഥിയായിരുന്ന എ.ടി മുഹമ്മദ് ബഷീർ ഇവരുടെ ഒരു വൈലത്തൂർകാരൻ തങ്ങളെ ഇലക്ഷൻ പ്രചാരണത്തിന്റെ ഭാഗമായി കാണാൻ പോയത്രെ.. കൂടിക്കാഴ്ചയൊക്കെ കഴിഞ്ഞ് ഇ.ടി പുറത്തിറങ്ങാൻ നേരം മേശപ്പുറത്തിരുന്ന ഒരു ഗ്ലാസ് അബദ്ധത്താൽ വീണു പൊട്ടിയത്രെ.. അപ്പോൾ ഈ തങ്ങൾ പ്രവചിച്ചു, “ഗ്ലാസ് പൊട്ടീ, ഈ.ടിയും പൊട്ടീ..” പക്ഷെ പൊട്ടിയത് ഈ പൊട്ടൻ അനുയായികളായിരുന്നു എന്ന് മാത്രം..


കാന്തപുരത്തിന്റെ ഈ പൊട്ടൻ കളി ഇനിയെങ്കിലും അവസാനിപ്പിക്കേണ്ടിയിരിക്കുന്നു.. “ഞാൻ ജയിക്കുന്ന ടീമിന്റെ കൂടെയാണെ”ന്ന കുട്ടികളുടെ നിലപാട് ഇനിയെങ്കിലും മാറ്റുക.. ഒന്നുകിൽ വ്യക്തമായ രാഷ്ട്രീയ നിലപാടെടുക്കുക, അല്ലെങ്കിൽ രാഷ്ട്രീയത്തിൽ ഇടപെടാതെ “മുടി ചൂഷണങ്ങളുമായി” മതം വിറ്റ് നടക്കുക.. അല്ലാതെ “ജയിച്ച ടീമിനൊപ്പം” എന്ന നിലപാട് ശരിയല്ല ഉസ്താദേ...




അവസാന പയറ്റ് : പിണറായി മുടി കത്തും എന്ന് പരസ്യ പ്രസ്ഥാവന നടത്തിയത് കൊണ്ട് “മുടിയുടെ കറാമത്ത്” കൊണ്ടാണ് പിറവത്ത് തോറ്റത് എന്നെങ്ങാനും ശൈഖുന പറയുമോ ആവോ??